Кăçал тинех "Эпĕ пĕчĕкçĕ чăваш: видеоинсценировка" конкурса вĕçлесе çитеретпĕр. Ытла нумая тăсăлса кайрĕ ку ĕç тĕнчипех ерекен чир сарăлнăран. Паянхи номерта эпир хисеп хучĕсемпе сертификатсене пичетлетпĕр.
Сертификатсене, файл ытла пысăк пулнăран, Яндекс.Диск çине вырнаçтарнă. Файла çак каçăпа кĕрсе уçласа илмелле. Хăвăрăн сертификатсене районпа шкул ячĕсем тăрăх шырама сĕнетпĕр. Малтан Çĕмĕрлепе Çĕрпÿ районне кĕрекен вĕренÿ учрежденийĕсем вырнаçнă, ытти шкулсем — алфавитпа килĕшÿллĕ.
Хисеп хучĕсем:
Сертификатсемпе хисеп хучĕсенче йăнăшсем пулас пулсан видеоконкурса материалсем ярса панă электрон адреспах пĕлтермелле.
Енчен те сирĕн сертификат çук пулсан та çав адреспах çыхăнма ыйтатпăр, сертификат илме "ШкулТВ" каналта пичетленнĕ видео каççине ярса памалла.
: Комментарисем:
► Ольга Григорьевна (2021-02-12 15:39:33):Ырă кун! Эпир Çĕнĕ Шупашкарсем те " Эпĕ пĕчĕкçĕ чăваш -2020" конкурса хутшăнтăмăр,анчах та пирĕн ĕç сирĕн пата çитнипе çитменнине паян кунта пĕлместпĕр. Тен,ĕçне тĕрĕсех яман? Айăпĕ хамрах пулĕ.
Пирĕн хĕр ача - Фролова Карина " Кил хуралçи " юмах выляса
панăччĕ. Унăн ĕçĕ çитнĕ-ши? Сертификатсен списокĕнче те çук та. Май пулсан ман ыйту çине хуравлаймăр-ши?